ຊົມເຊີຍ ນ້ອງ ດວງດາລາ ຄໍາພັນທອງ ແລະ ນ້ອງ ອານຸສັກ ໂຄຕະວົງ ແລະ ອາຈານ ນໍາພາ, ອາຈານ ຈາລຸພອນ ສີຫາລາດ ທີ່ໄດ້ຖືກຄັດເລືອກເຂົ້າຮອບສຸດທ້າຍ ໃນການແຂ່ງຂັນການສ້າງ Blog site ເພື່ອອານຸລັກສິ່ງແວດລ້ອມ ໃນໂຄງການ Future Ready ASEAN 2019. ໂຄງການດັ່ງກ່າວແມ່ນຮ່ວມຈັດໂດຍ The ASEAN Foundation ແລະ ບໍລິສັດ Microsoft.
ນ້ອງນັກສຶກສາທັງສອງຄົນ ແລະ ອາຈານ ນໍາພາ ຈະໄດ້ເຂົ້າຮ່ວມການແຂ່ງຂັນ ຮອບສຸດທ້າຍ ທີ ບາງກອກ ປະເທດໄທ ໃນລະຫວ່າງ ວັນທີ 28 ຫາ 29 ພະຈິກ 2019. ດັ່ງນັ້ນ, ວິທະຍາໄລ ສຸດສະກະ ຂໍໃຫ້ນ້ອງໆນັກສຶກສາທຸກຄົນຊ່ວຍເປັນກໍາລັງໃຈ ໃຫ້ນ້ອງທັງສອງຄົນ ແລະ ອາຈານ ນໍາພາໃນການແຂ່ງໃນຄັ້ງນີ້ດ້ວຍ ຂໍຂອບໃຈ!